يوميات شاب سعودي

سعودي قرصته حيه ويضحك ليش .... ؟. فيه سارس
وككككككككككك

يوميات شاب سعودي

السلااااام علييكم اشحالكم ؟؟؟؟ وينكم اشتقت لكم

اخخخخ اشششش اخخخخخ اششششششش (اخ و اش = واحد يعني نايم)
التوقيت الساعه سبع المغرب اليوم اربعاء اخر الاسبوع

الجوال يدق الو (واحد بثر يتصل ويدري انك نايم ومع ذالك يكمل الاتصال) هلا (ابو عزوز) وش اخبارك نايم اي والله نايم خلاص المهم تجينا في د. كيف الي بشارع الثلاثين اكيد تعرفه ايه اعرفه وش دعوه خلاص اذا صحصحت اتصل عليكم يوووووه الشماغ متعرفط اكيد العيال بيضحكون جوهر يا جوهر (جوهر السواق الهندي هو اسمه سنجي) خذ الشماغ ووده لم المغسله اكوه بودن مرزام(شباب الرياض حركات) الحين كيف بلقى الخبل هذا اتصل عليه وجواله مقطوع ماسدده وش السالفه

(شقليطة) هاه وينكم والله حنا موجودين عند د. كيف تعال بسرعه ترى الوضع حلو, طيب طيب جاي يووووووه على زحمة خريص مو مشكله حتى ولو كانت زحمه الله يخلي المناوره ويالله خذ مصاقط بين السيارت وضرب بواري والناس تدعي علي عادي جدا ابي اوصل بالوقت هلا شباب وش اخباركم لحظه خلوني بطلب قهوه اكسكيوز مي كان اي هاف ون سمول هوت موكا ايوه وش الاخبار وراك ما جيت الدوام اليوم يادحيم (دزني واطيح) ابد والله (ياابو عزوز) .. مديت خويتي وما قدرت اجي ايه قود لك يا ولد هاه وش رايك فيها ابد والله ماعليها المهم تراني مقطوع وين الدخان خذ وبعدين انت دايم مقطوع ماعمرك شريت بكت دايم تتسلتح علينا ياخوي لا تسوي فيها تراه بخمسه الحين اشتريه واوزعه على الهنود قدامك ولا تشد زقاره يا لوووح
هذولي اخويا يا شيخ نعنبو دراسه جمعتنا سوى خلاص خلاص اقطع الموضوع شقليطة طايل لسانه يا شباب وش فيه وراك انت اليوم يا شيخ روقنا خلاص خلاص يووووه شوفو الجمس اي والله فيه وحده لثمام يذبح يالله شغل شغل
هاه نروح على سيارت مين انا سيارتي ذبحتوها كل يوم طالعين عليها خلاص
شغل الكزس وش نسوي هاه من وين راحو يمين من عند مطعم ابو كمال الحق يا ولد هاه وين المعروض هد السرعه يا رجال ماعليك من احد وقف بنص الشارع ولا تهتم اقول شوف هي تناظر اي والله شوفها تناظر (البنت على نيتها جالسه تناظر الجهه الثانيه والشباب يحسبون انها تناظرهم) خلاص طلع المعروض (المعروض = ورقه مكتوب فيها الرقم بخط كبير وواضح) هاه يالله بسرعه قبل ما يجتمعون الشباب ويصير موكب كبير وماناخذ راحتنا يووووه خلاص تجمعو الشباب الله ياخذك يا ( دزني واطيح ) انت وسواقتك ضيعت البنات علينا لا ماعليك عند الاشاره اجيبهم لك يالله طيب ورينا

اوف والله سواق يا (دزني واطيح) يالله شوفهم فاتحين الدريشه بكلمهم انا لو سمحتي يا حلوه لحظه البنات سمر اي والله سمر لا زرق يجي منهم يطلع (ابو عزوز) طلعه غبيه ويقول احب السمر واهواهم شوفهم يضحكون خلاص هذولي حبونا اكيد بياخذون الرقم انت بس ورهم المعروض بعد عشر دقايق ترن ترن (وش دعوه تلفون بيت) الجوال يدق رقم جديد اسكتو يا شباب الوو هلا مساء الخير كيف الحال الله يحييك (وش نقول شباب الرياض) هلا والله انتي من بغيتي تكلمين السواق والا الي جنبه لا انا ابي السواق وخويتي تبي الي جنبه طيب (انواع الفضاوة) و(ابو عزوز) وش يسوون ههههههههههه نضحك طلعو منها ماعليكم ماعليكم انا بعرفكم على خوات خويتي حلو يالله مشينا الفيصليه نبي ندخل بس العسكري عند البوابه ماعليك انت رز نفسك وخله يشوف الموتر وما راح يقول شي ههههههه شفت دخلنا و حتى ما ناظرنا

يالله شوف البنات وش كثر بنات الحلال كلا تنتظر سواقها اقول (انواع الفضاوة ) و (ابو عزوز) طالعين مع الدريشه وهاتك تهزء وذب كلام هيه استحو وش هالحركات اقول انت انطم طيب (عاد زعلانين عشانهم ما اخذو نصيبهم من البنات) لحظه وش جاب كل هالشباب الي عند الفيصله يمشون على رجولهم وما يخلون بنت على راحتها اي وحده تمشي لحالها بتتوهق حتى السكرتيه والعسكر واقفين عند الباب وماهم حول المواقف كان الامر ما يعنيهم اقول انا برجع البيت لا خلك معنا نبي نتعشى وين نتعشى مدري على حساب مين كلا قام يناظر وجه الثاني ويقول يووووه انا عندي موعد اقول نزلوني عند د . كيف بس خلوني اروح للبيت يوه الساعه اللحين ثنين والشايب يبي يسالني ليش تاخرت ووين رحت ليش ما جيت العشاء حق الجماعه هلا يبه ابد والله من اليوم وانا عند رئيسي بالعمل مسوي عزيمه وانا كنت ابي اشوف المدرب حقي اتمصلح فيه خير يا ولدي احم وين غرفتي بس وين الكمبيوتر انا مواعد بنات ابي اكلمهم يوه راح الوقت هلا عمري وينك ابد يا حياتي الخط ما مسك معاي من اليوم ؟؟؟؟؟؟؟

ان شالله تعيبكم